Димитриевски за една деценија си ја зголемил платата дури за – 20 пати (ФОТО)

04 март 2024 - 10:31

Најдобриот македонски голман веќе повеќе од една деценија, Столе Димитриевски е доказ дека со напорна работа и давање максимум на секој тренинг може да се напредува во кариерата, не само во делот на клубот за кој се настапува туку и во однос на платата.

Шпанските медиуми направија анализа на неговите примања од моментот кога почна да игра во шпанската елита, а тоа е сезоната 2013/14 во дресот на Гранада, па се до сегашното првенство во кое е еден од столбовите во одбраната на Рајо Валјекано. Димитриевски на почетокот имал годишна плата во износ од 46.000 евра, која веќе две сезони подоцна тројно му била зголемена до износ од 174.000 евра.

Трансферот во составот на Рајо во 2018 година не му донесе драстично подобрување во финансискиот дел бидејќи првата година во овој тим заработувал едвај 200.000 евра, но затоа веќе во сезоната 2019/20 доаѓа до најголемиот договор во кариерата – 700.000 евра. Оваа сума ја инкасира и до актуелниот шампион односно пет години по ред, што вкупната заработка од престојот во Шпанија му е околу четири милиони евра.

Димитриевски е во последната година од договорот со Рајо, за кого брани во одлична форма, поради што веќе е на радарот на тимови како Севиља па дури и на Барселона, што автоматски ќе значи и дополнително зголемување на годишните примања.