Пред три децении Битола беше домаќин на Шпанија, денеска тука гостува Италија! (ВИДЕО)

09 септември 2025 - 08:29

Денеска македонската фудбалска репрезентација до 21 година ја пречекува Италија на реновираниот стадион во Битола, мечот почнува од 18:15 часот.

Битола ретко била домаќин на македонските репрезентации, такво нешто се случи пред точно 31 година кога овој град исто како и денес пречека атрактивна селекција.

Тогаш, на 11 октомври 1994 година, бевме домаќини на шпанските надежи кои со убав гол на Оскар Гарсија дојдоа до минимална победа од 1-0.

За Македонија У21 на тој меч настапија: Грујоски, Капинковски, Николовски, Герасимовски, Васевски, Ангелов, Захариевски, Ѓорѓиоски, Михајлов, Шаќири, Христов (замени: Шаиноски, Беќири)
селектор: Јово Никушев.

Денеска Битола повторно е домаќин на атрактивна селекција, момците ќе ги одмерат силите со младата репрезентација на Италија.

Ова е дуел од второто квалификациско коло за пласман на Европското првенство.

Првиот меч го загубивме убедливо од Полска со 3-0, додека Италија во Македонија пристигнува по триумф над Црна Гора од 2-1.

Како изгледа реновираниот стадион во Битола: