На Роналдо му недостасуваат 11 погодоци до апсолутен рекорд (ВИДЕО)
И самиот Роналдо пред натпреварот изјави дека е целосно подготвен, а воедно и го демонстрираше тоа со три погодока во победата над Литванија со 6-0. Португалија поведе со 2-0, а токму ѕвездата на Јувентус ги постигна двата погодока. Прво погоди во седмата минута од белата точка, додека во 22-та минута го зголеми водството на 2-0 со прекрасен гол од 20-тина метри. Во вторито дел Португалците погодија уште четири пати, а Роналдо беше стрелец на шестиот погодок.
Со овие три гола Роналдо дојде до бројката од 99 погодоци во дресот на националниот тим и сега му недостасуваат 11 гола за да го собори рекордот на легендарниот Иранец, Али Даи, кој постигна 109 гола во дресот на својата земја и е апсолутен рекордер по бројот на голови во националниот тим.