Македонија утре без поддршка - на стадионот во Даблин ќе има само Ирци

30 март 2026 - 13:47

Македонија утре го игра натпреварот против Ирска во Даблин кој е без резултатско значење откако го загубивме полуфиналниот бараж со Данска, сепак избраниците на Гоце Седлоски сакаат да го поправат впечатокот по тешкиот пораз.

Сепак, на гости во Ирска нема да биде лесно, стадионот „Авива“ на кој ќе се игра натпреварот од претходно е распродаден за домашните навивачи, а македонски фанови на трибините нема да има.

Така без поддршка од трибините против домаќинот нашите репрезентативци ќе се обидат да дојдат до позитивен резултат.

Натпреварот е закажан во терминот од 20:45 часот.