Футсал репрезентацијата доживеа пораз од Андора

Во последниот меч, нашата селекција загуби на гостувањето кај Андора со 1-2 и со само еден бод и гол разлика 3-18 стави точка на овој циклус. Андора го освои третото место со шест бода, а денешната победа беше прва за тимот на оваа земја во овие квалификации.

Се што беше важно на овој натпревар се случи во период од 40-тина секунди, во финишот од мечот. Прво Регало ја доведе Андора во водство, потоа Тодоровски израмни, а шест секунди подоцна Блат го постави конечниот резултат. Неколку минути претходно, при резултат 0-0, Регало промаши пенал.