Босанците ни фатија сеир: Турција им покажа на Македонците каде им е местото (ФОТО)

01 јуни 2026 - 22:09

Македонската фудбалска репрезентација доживеа тежок пораз на гостувањето кај Турција (0-4) во вториот пријателски натпревар за неколку денови, а по неуспехот сеир ни фатија Босанците со кои претходно одигравме (0-0) на „Кошево“.

Босанскиот портал „СпортСпорт“ не чекаше долго, па веднаш по поразот на Македонија објави текст со наслов „Турција им покажа на Македонците каде им е местото“.

„Македонците неодамна на 'Кошево' против резервниот тим на БиХ одиграа 0-0, но вечерва беа немоќни во Турција“, пишува порталот.

БиХ и Турција се учесници на Светското првенство (СП) кое ќе се одржи од 11 јуни до 19 јули оваа година.