Бобан Николов: Одложете го мечот со Косово, сакаме полни трибини!

Македонија треба да го дочека Косово без публика на 26 март на Националната Арена „Тодор Проески“, но сега проблем е што селекцијата не може да смета на „италијанците“ Горан Пандев, Елиф Елмас и Илија Несторовски, поради задолжителниот карантин од 14 дена за секој што ќе дојде во земјава од Апенините, каде е алармантна ситуацијата со коронавирусот.

Николов преку социјалните мрежи објави дека за Македонија играњето без публика е исто како во тимот да ги нема Пандев, Елмас, Несторовски или некој друг во составот.

Или нека биде фудбалски СПЕКТАКЛ или не правите “спектакли”!

Здравјето на луѓето е најбитно и го почитуваме ставот и препораките на институциите во однос на заштитата на здравјето на сите нас.

Но, како фудбалери, репрезентативци и стручен штаб на Македонија кои се изборија за историска шанса за пласман на Европско првенство, би сакале нашиот домашен натпревар да го одиграме пред полни трибини и со поддршка од нашите навивачи да славиме заедничка победа.

Ваков натпревар без публика е исто како да сме без Гоче, Елиф или Нестор во составот.

Одложете го натпреварот, прво заради здравјето пред се, но и заради сите со идеал за прави спортски вредности и резултати. Спортски поздрав“, објави Николов.