Македонија има напредок на најновата ФИФА ранг листа

28 ноември 2024 - 15:46

Македонската фудбалска репрезентација оствари две победи во ноемврискиот прозорец од Лигата на нации, а тоа ни донесе благ напредок на ФИФА листата.

Ги победивме Летонија и Фарски Острови и обезбедивме место во Лига Б од Лигата на нации, успехот ни донесе и мал скок на ФИФА табелата.

Напредувавме за две позиции, сега сме 67. со 1.368 поени.

На врвот нема промени, прва е Аргентина пред Франција, Шпанија, Англија и Бразил, скок имаат Португалија и Холандија кои се на шестото односно седмото место, Белгија со пад од две позиции е осма, а во топ десет се уште и Италија и Германија.