„Златната топка“ ќе се додели во септември во Париз - познати се фаворитите!

19 мај 2025 - 19:37

Церемонијата за доделување на „Златната топка“ оваа година ќе се одржи на 22 септември во Париз и ќе биде 69. по ред, а веќе се познати главните фаворити за наградата и тоа се Мохамед Салах, Осман Дембеле, Лаутаро Мартинез, Рафиња и Ламин Јамал.

Светот ќе добие нов фудбалски крал, откако Родри ја освои титулата минатата година, по што следеше долга пауза поради повреда, а во меѓувреме со европската сцена доминираа голем број ѕвезди.

Рафиња и Јамал беа одлични во дресот на Барселона и ја предводеа до три титули, во Ла Лига, Купот и Суперкупот на Шпанија, па затоа важат за главни фаворити за престижната награда.