Зидан објасни зошто ги врати Навас, Иско и Марсело

16 март 2019 - 21:01

Зинедин Зидан со победа го започна вториот мандат на клупата на Реал Мадрид, а освен победата, Французинот остави впечаток и со потегот да ги врати Иско, Марсело и Кејлор Навас во првиот тим на „кралевите“. 

Зидан на прес конференцијата по натпреварот говореше дека е презадоволен поради победата на Реал, но одговори и на прашањето зошто им даде нова шанса на фудбалерите кои беа „заборавени“ кај претходникот, Сантиаго Солари.


„Го ценам Куртоа, покажа дека е одличен голман, но сакам Кејлор да се чувствува важен. Не заборавам што направи за клубот. Не играше премногу, но тоа мора да се промени. Ист е случајот и со Марсело. Никој не смее да заборави кои се тие фудблаери и што направија тука. На сите сметам, на Куртоа, на Регилон, но Кејлор, Марсело и Иско се одлични играчи“, изјави Зизу.