Во Шпанија разговараат за публика на трибини, ама само во одредени региони!
Според информациите од Пиринеите, веќе се разговарало за попуштање на рестрикциите за навивачи и тоа на кризниот штаб на кој присуствувале министерот за здравство Салвадор Илија, министерот за спорт Ирене Лозано, како и четворица фудбалери меѓу кои Жерар Пике од Барселона и Коке од Атлетико Мадрид.
Фернандо Симон, координатор на здравствениот криен штаб признал дека постојат разговори да се дозволи публика во региони кои не беа толку погодени од Ковид-19, но засега се прави евалуација на ризикот, зашто Шпанците не сакаат да влезат во преголем ризик особено што се подготвуваат за втор бран на вирусот од есен.
„Немаме конкретен одговор, а тешко е засега да процениме, но се прават евалуации на ризикот од страна на министерот за здравство“, рекол Симон.
Интересно, здравствените власти додека прават проценки, министерската за спорт Лозано е конкретно против такво нешто, бидејќи смета дека секоја таква одлука може да е избрзана и да ја врати земјата во некои полоши претходни ситуации, особено што Шпанија преживеа пустош, како едно од жариштата на новиот опасен вирус.