Верона со гол пред крајот само ја продолжи мизеријата на Рома (ВИДЕО)

03 ноември 2024 - 20:12

Фудбалерите на Верона дојдоа до значајна победа во пресметката на домашен терен против Рома (3-2), дополнително зголемувајќи ја кризата на „волчицата“, која претрпе три порази на последните четири натпревари.

Овој резултат најверојатно ќе доведе до разделба со тренерот Иван Јуриќ, кој не успеа да ја подобри ситуацијата откако дојде со цел да ја стабилизира екипата. Домаќинот поведе преку Тенгстет во 13. минута, но Рома по петнаесетина минути израмни со голот на Суле. Верона, сепак, ја врати предноста во 34. минута со голот на Мањани, завршувајќи го првото полувреме со резултат од 2-1.

Довбик во 53. минута вторпат го израмни резултатот, одржувајќи го неизвесноста до самиот крај. Но, Абду Херуи во 88. минута постигна трет гол за тимот од „градот на љубовта“, осигурувајќи значајна победа и продлабочувајќи ја несигурноста во таборот на Рома.

Римјаните сега се дури на 11. позиција на табелата во Серија А со 13 бодови, еден повеќе од денешниот противник кој има четири победи и седум порази.