Слот на излезна врата од Ливерпул, ќе го наследи чудото од Борнмут!?

Клубот имаше сериозен преоден рок, но оваа сезона не беше освоена титула. Иднината на Холанѓанецот е под знак прашалник, а како негова замена, „црвените“ би сакале да го доведат Андони Ираола.

Веќе некое време е познато дека Шпанецот ќе го напушти Борнмут и дека сите големи имиња се интересираат за неговите услуги. Борнмут се наоѓа на високото шесто место и има големи шанси да се пласира во Лигата на шампионите. Ираола успеа да го одржи тимот заедно, иако столбовите на одбраната (Милош Керкез, Дин Хујсен и Илија Забарни) беа продадени во лето. Антоан Семењо, најдобриот играч на тимот, исто така беше продаден во зима. И покрај сите овие предизвици, Борнмут одигра феноменална сезона и Европа е загарантирана.

Ираола е слободен и сè укажува на тоа дека шпанскиот тренер ќе дојде на Енфилд. Слот разочара откако потроши 500 милиони евра минатото лето, Ливерпул не направи ништо оваа сезона, па затоа е природно челниците на „црвените“ да го отпуштат.

Шпанецот голем дел од својата играчка кариера го помина во Атлетик Билбао, а заврши во Њујорк во МЛС. После тоа, влезе во тренерските води. Првиот клуб во неговата кариера беше АЕК Ларнака, а покрај Борнмут, ги водеше и Мирандес и Рајо Ваљекано.