Ситуацијата со Сити стана политичко прашање - се крена владата на ОАЕ

Според информациите што ги објавија британски медиуми, властите во ОАЕ предупредиле дека би можеле да повлечат инвестиции во Велика Британија вредни повеќе милијарди фунти, како последица на начинот на кој е завршен процесот против Манчестер Сити.

Во центарот на вниманието е пресудата на независната комисија која разгледуваше 115 обвиненија поврзани со финансиското работење на Сити во периодот од 2009 до 2018 година. Комисијата утврди прекршувања во 114 точки, додека клубот категорично ги отфрла наодите и веќе поднесе жалба. Манчестер Сити во својата жалба наведува дека одлуката содржи сериозни грешки во фактите, правото и принципите на постапката и дека не може да се смета за безбедна основа за конечна одлука. Клубот истакнува и дека поседува докази со кои ги поткрепува своите позиции.

Ситуацијата предизвика реакции и во британската политика. Градоначалникот на Манчестер, Енди Барнам, изјави дека би бил загрижен доколку актуелните сопственици на Сити го напуштат клубот, посочувајќи ги нивните вложувања во стадионот „Етихад“, спортскиот комплекс и поширокиот развој на градот. Дополнителната тежина на случајот доаѓа од фактот што потенцијалното повлекување не би се однесувало само на фудбалот. Според британските извештаи, во прашање се и пошироки инвестициони проекти во Велика Британија, што ја претвора аферата околу Сити во тема со дипломатски и економски последици.