Добри гости ни дојдоа: Шкотланѓаните со донација во Кочани

03 октомври 2026 - 15:44

Фудбалскиот клуб Фудбал Старс Кочани доби донација од 200.000 денари од шкотската хуманитарна организација Tartan Army Childrens' Charity (TACC), средства со кои клубот набави нова самоодна косилка за полесно и поефикасно одржување на своите фудбалски терени и спортски капацитети.

Клубот работи со голем број млади фудбалери од Кочани и околните рурални средини, а донацијата ќе помогне во создавањето подобри услови за нивните тренинзи и натпревари.

Досега одржувањето на терените во голема мера зависело од волонтери, кои со рачни машини се грижеле за спортските површини. Со новата опрема, оваа работа значително ќе биде олеснета. На примопредавањето присуствуваа и младите членови на клубот, како и претставници на шкотската страна и Британската амбасада во Скопје, заедно со претставници на Министерството за одбрана.

Донацијата претставува конкретна поддршка за локалниот спорт и младите во Кочани, особено во средина каде спортските клубови често функционираат со ограничени ресурси.