Шмајхел: Манчестер јунајтед има проблем и тој се вика - Пол Погба

Одреден квалитет кај двата тима постои, но јасно е дека Ливерпул и Манчестер сити моментално се далеку пред нив. Легендата на „црвените ѓаволи“, Петер Шмајхел го потенцираше Пол Погба како еден од поголемите проблеми на тимот за време на синоќашниот дуел.

„Тој игра премногу повлечено на теренот и не ја разбирам неговата улога во тимот“, вели поранешниот голман. „Дури и кога Солшер направи измена и го помести поофанзивно на теренот, не се случи ништо. Се согласувам дека има две добри додавања од него на овој натпревар, но проблемот е што беа само два, а не 15. Тоа го гледам како проблем, бидејќи тој добива многу внимание  делува како тој да е проблематичното дете во тимот. Кога имате некој кој одзема толку многу внимание во медиумите, кога зборуваме за него, треба да знаете што точно е неговата улога во тимот? Во моментов сум малку збунет и навистина не разбирам“, коментира Шмајхел.

Многу навивачи на Јунајтед го обвинија Погба дека се „криел“ на теренот против Арсенал и дека не презема одговорност. Наместо да биде лидер на овој тим на Јунајтед, тој е само бледа сенка од фудбалскиот потенцијал, што несомнено го поседува.