Роналдо официјално потпиша: Едвај чекам пак да заиграм на полниот „Олд Трафорд“!

31 август 2021 - 11:13

Португалскиот репрезентативец, Кристијано Роналдо и официјално е нов фудбалер на Манчестер Јунајтед, откако денеска потпиша двегодишен со „ѓаволите“.

На претставувањето, тој ја даде првата изјава во која потенцира дека за овој клуб секогаш имало посебно место во неговото срце.

„Манчестер Јунајтед е клуб за кој секогаш ќе има посебно место во моето срце. Ме совладаа емоции по сите пораки кои ги добив по моето враќање. Едвај чекам пак да заиграм на 'Олд Трафорд', пред полн стадион и повторно да ги видам фановите. Се радувам на придружувањето на тимот по интернационалната пауза и се надевам дека пред нас е многу успешна сезона“, изјави Роналдо.

Португалецот второто деби во дресот на Јунајтед се очекува да го има по репрезентативната пауза на мечот против Њукасл, кој ќе се игра на „Олд Трафорд“.