Рафаел Леао има само една желба - трансфер во Барселона

Тој, наводно, веќе ги информирал челниците на Милан за своите планови бидејќи верува дека е дојдено времето за исчекор во кариерата и дека својот полн потенцијал би го исполнил само под водство на Ханси Флик. Леао сонува за освојување големи трофеи, а смета дека тоа е тешко да го оствари со актуелниот тим на Милан.

Барселона нема против да го донесе Леао во своите редови, но постојат два големи проблема за тоа. Прво, вредноста на Португалецот се проценува на околу 75 милиони евра, а второ, на неговата позиција (лево крило) Барса веќе го има Рафиња кој сезонава игра во фантастична форма и е еден од најдобрите во тимот.

Притоа треба да се знае дека Барса летоска беше заинтересирана за Леао, но од Милан бараа неверојатни 175 милиони евра за својот фудбалер.