Тежок удар за Барселона - без Јамал против Селта

21 ноември 2024 - 11:32

Младата ѕвезда на Барселона, Ламин Јамал ќе го пропушти саботното гостување кај Селта во рамките на Ла Лига поради повредата што ја доживеа во дуелот со Барселона.

Тоа беше причината што тој не играше ни за шпанската репрезентација во Лигата на нации, но без него „фуријата“ оствари две победи и го освои првото место во групата. Неговото отсуство ќе биде многу поголем проблем за Барселона која не смее да си дозволи уште еден кикс во првенството затоа што тоа ќе му отвори простор на Реал да ја стигне.

Пред почетокот на репрезентативната пауза, претпоставките беа дека Јамал ќе биде способен да одигра 15-20 минути во Виго, но сега излегува дека тоа не е можно.

Добра вест за Ханси Флик е тоа што Левандовски заздраве од повредата на грбот и тој ќе биде во стартната постава. И тој не играше за својата репрезентација, но во овие десетина дена тој барем успеа да се рехабилитира во меѓувреме. Барселона досега доживеа два пораза во шпанското првенство и двата на натпревари на кои Јамал не беше во стартната постава.