Повреден или казнет? Елмас тренирал одвоено од соиграчите во Неапол!
Нејасната информација за самостојниот тренинг на Елмас, ја отвори дилемата кај италијанските медиуми дали македонскиот бисер е повреден или казнет од Џенаро Гатузо, иако во последно време тренерот на Наполи не го вадеше од уста Македонецот, па секојдневно од него фрчеа пофалби за квалитетот и капацитетот кој го има. Многу поверојатно е дека Елмас има некаква повреда, одошто дека би бил казнет, зашто нема причина барем според италијанските медиуми за такво нешто.
„Позитивна вест од 'Кастел Волтурно' е што на тренинзите со групата се врати Калиду Кулибали, ама помалку позитивна е што Елиф Елмас работеше индивидуално надвор од групата. Наполи не објави за што станува збор и зошто Елмас не тренирал со останатите“, пишува „Ил Матино“.
За разлика од „случајот со Елмас, Кевин Малку тренирал под посебна програма и во теретана и на терен како дел од рехабилитациската програма, додека Фернандо Љоренте и Јунес работеле само во теретана. Останатите на скратен простор работеле на техничко-тактички план, па одиграле и меч на тој простор.