Пораз на Манчестер Сити, Ливерпул е нов лидер во Премиерлигата! (ВИДЕО)

02 ноември 2024 - 17:59

Манчестер Сити со 2-1 загуби на гостувањето кај Борнмут, со истиот резултат Ливерпул го победи Брајтон и се качи на првото место на табелата.

Манчестер Сити загуби три бода на гостувањето кај Борнмут и падна од лидерската позиција на табелата.

Борнмут му даде гол на Манчестер Сити уште во деветата минута кога Самењо погоди по асистенција од Каркез за водство од 1-0.

Течеше 64. минута кога Керкез уште еднаш асистираше, овојпат за Еванилсон кој зголеми на 2-0. 

Во 82. минута Гвардиол намали на 2-1 и го направи финишот поинтересен. Сити се обидуваше да се спаси од пораз, но не успеа.

Поразот на Манчестер Сити го искористи Ливерпул кој со пресврт го победи Брајтон.

Кадиоглу во 14. минута донесе водство за гостите, а црвените за три минути во вториот дел направија пресврт. Гакпо во 69. минута израмни на 1-1, а Салах во 72. минута донесе победа од 2-1.

Нотингем Форест ја продолжи одличната форма и со 3-0 го победи Вест Хем, Саутемптон со 1-0 славеше над Евертон, а Лестер со гол на Ају во 94. минута се избори за реми на гостувањето кај Ипсвич, мечот заврши 1-1.