По шест години, Дејвис го напушта Баерн и се сели во Реал

Левиот бек стекна репутација на еден од најдобрите на својата позиција откако дојде од Ванкувер во 2019 година и за него се заинтересирани некои од најголемите европски клубови. На крајот од оваа сезона му истекува договорот со Баерн и ќе стане слободен играч по што ќе може без отштета да најде нова средина.

Шпанските медиуми тврдат дека веќе има договор со Реал Мадрид и ако е тоа вистина, би се потврдиле шпекулациите од претходните месеци. Дејвис со Баерн освои пет титули во германското првенство и една во Лигата на шампионите што е негов најголем успех досега.