Ново шоу на Шортс за победа на Париз кај Анадолу Ефес!

21 ноември 2024 - 20:54

Париз со победа од 93-84 се враќа од гостувањето кај Анадолу Ефес, триумф изборен благодарение на нова врвна партија на македонскиот репрезентативец, Ти Џеј Шортс.

Париз продолжува со победничката серија во Евролигата, а Ти Џеј Шортс со брилијантните игри во дресот на францускиот клуб.

Денеска Париз без поголема мака славеше над Анадолу Ефес во Турција, домаќините се обидуваа да се вратат на неколкупати, но гостите водеа речиси во текот на целиот меч и на крајот заслужено дојдоа до триумфот од 93-84.

Ти Џеј Шортс беше убедливо најдобриот кошаркар на натпреварот, тој постигна 21 поен и имаше 10 асистенции, втор стрелец на Париз беше Малколм со 15 поени. Во составот на Ефес Порие и Томпсон дадоа по 15 поени.