Пеколна ждрепка во ФА Купот - Арсенал против Манчестер Јунајтед

Домаќини ќе бидат „топчиите“ во вториот викенд од јануари (најверојатно 11) и тоа ќе биде убедливо најинтересен дуел во оваа фаза од натпреварувањето. Се чини дека ФА Купот е голема шанса за двата клуба да дојдат до трофеј на домашна сцена имајќи предвид дека Ливерпул многу избега во Премиер лигата и е голем фаворит за титулата во англиското првенство. Манчестер Јунајтед е бранител на титулата во ова натпреварување, но уште на стартот на одвраната на трофејот ќе има исклучително тешка задача.

Останатите гиганти во англискиот фудбал добија релативно лесни противници. Манчестер Сити ќе игра на домашен терен против нисколигашот Салфорд, Ливерпул ќе го пречека Акрингтон, а Челси на Стемфорд Бриџ ќе се сретнат со Моркомб.