Аталанта не знае да застане - ја прегази и Рома на Олимпико (ВИДЕО)

Тимот од Бергамо славеше против Рома со 2-0 и веќе 13 натпревари во низа е без пораз, сметајќи ги сите натпреварувања. Ако гостинските фудбалери беа малку порасположени и поконцентрирани, победата ќе беше изразена со уште поголема разлика бидејќи упатија дури 18 удари од кои седум во рамките на голот, додека играчите на Рома само еднаш му се заканија на голманот на Аталанта.

Двата гола беа постигнати во последната третина од натпреварот. Резултатот го отвори Де Рон во 69. минута со обилна помош на Челик кој ја смени насоката по која се движеше топката, а точка стави Ѕаниоло кој го закопа својот поранешен тим.

Со оваа побведа Аталанта остана на второто место со еден бод негатива во однос на Наполи, додека Рома го претрпе четвртиот пораз во низа и падна на 15. место.