Отворањето на „Камп Ноу“ е одложено, Барселона ќе ја почне сезоната со четири гостувања!

05 јуни 2025 - 15:50

Барселона со сите сили работеше да се завршат градежните активности на „Камп Ноу“ пред почетокот на сезоната, меѓутоа повторно се соочува со проблеми и поради тоа ќе ја почне сезоната со четири гостувања.

Шпанските медиуми пишуваат дека Барселона побарала да ги игра првите четири средби од сезоната 2025/26 на гостински терен, а раководството на Ла Лига го прифатила барањето.

Доколку сè биде во ред и нема дополнително одложување на отворањето на стадионот, тогаш Барселона ќе се врати на „Камп Ноу“ на средината или крајот на септември.