Официјално: Масимилијано Алегри по пет години си оди од Јувентус!
Јувентус во кратката објава посочи дека Алегри нема да биде тренер во следната сезона 2019/20, со најава дека утре попладне заедно со првиот човек на торинскиот великан ќе одржат прес-конференција на која ќе ги соопштат сите детали за разделбата.
Алегри дојде во Јувентус пред пет години и го наследи Антонио Конте, освојувајќи пет скудета од осумте во низа, четири купа, а играше и двапати во финалето на Лигата на шампионите, но сезонава засилен и со Кристијано Роналдо не успеа да ја оствари главната цел – да ја врати европската круна по пауза од 23 години.