Надал сам го прекина мечот во Мадрид – навивачите загрижено гледаа кон трибините (ВИДЕО)
Шпанецот водеше со 5-1, а во седмиот гем водеше со 30:15 на сервис на Аргентинецот, кога ветранот забележа дека некој на трибините паднал. Рафа веднаш самиот го прекина натпреварот и отиде кај судијата покажувајќи му што се случува. Се уште не се знае дали некому на трибините му се слошило или незгодно паднал, но паузата траеше три минути, а очите на сите присутни беа вперени кон местото на инцидентот. Лекарските тимови мораа да реагираат, а и Надал и Кацин вознемирено гледаа кон трибините.
Судијата откако потврда од лекарскиот тим дека се е во ред мечот можеше да продолжи, а Надал го приведе сетот до крај и го доби со 6-1. Кацин, сепак, не се предаде, заигра подобро во вториот сет, кој го доби во тајбрејк па тенисерите сега го играат решавачкиот сет за пласман во осминафиналето.