Лука Бананамен го „залепи“ Гилџес-Александер, Далас го прогласи за вистински МВП (ВИДЕО)

16 мај 2024 - 09:24

Далас Маверикс беше во постојано водство на мечот против Оклахома, на моменти имаше и +17 разлика, но домашниот тим во финишот се закани дека може да направи пресврт.

На помалку од минута пред крајот, Тандер се доближи на девет поени разлика и Гилџес-Александер се најде во контранапад од кој можеше да поентира и да ја направи драмата уште поголема. Пред него, сепак, излезе Лука Дончиќ кој му залепи „банана“ и го откажа од намерата.

Во Далас беа воодушевени од потегот на својата ѕвезда, па словенечкиот ас беше прогласен за „вистински МВП“ на социјалните мрежи.