Бизарната повреда не била наивна: Таткото на Ѓоковиќ денеска бил итно опериран!

Тој вчера беше примен во Ургентниот центар во Белград, каде што лекарите по долго размислување решија да го задржат да преноќи, а денеска дополнително решиле под итно да го оперираат поради повредата на надлактицата. Операцијата минала успешно, а Ѓоковиќ сениор се чувствувал добро.

Новак деновите ги минува во српската престолнина, па е постојано крај својот татко. Тој во Белград се подготвува за најважниот дел од сезоната, а најпрвин ќе настапи на мастерсот во Рим каде ќе брани само четвртфинале, што значи дека неговиот рекорд по бројот недели на врвот на АТП-листата сигурно ќе трае до крајот на следниот месец односно почетокот на Ролан Гарос.