На никој не му е до фудбал во Џенова: Пандев и другарите без поддршка против Милан

Џенова со Пандев треба да тргне во сезоната од „Сан Сиро“ кај седумкратниот европски првак Милан, но навивачите се бесни на раководството на Серија А зошто не го одложува мечот во момент кога градот и цела Италија се потресени од страшната трагедија, кога се сруши мостот „Понте Моранди“ и досега 39 луца го загубија животот, десетици се повредени, а сè уште се трага по исчезнатите.

Ултрасите на Џенова бараат мечевите на Џенова и на Сампдорија да се одложат, а според распоредот на „Луиџи Ферарис – Мараси“, Сампдорија треба да ја дочека Фиорентина, додека Џенова му гостува во Милано.

„По последната катастрофа која не погоди, ние сочувствуваме со сите жртви и загрижени сме за тие што останаа без дом, па следствено за град кој го има сиот свој сјај истиот се соочува со големи тешкотии. Веруваме дека пред фудбалот, а и пред нашиот миленик има нешто многу повеќе. Затоа господа во фудбалот, потади тоа што не го одложивте мечот Милан – Џенова, ние веќе донесовме одлука и тоа без двоумење. Нашиот град е во голема жалост, па навивачите на Џенова нема да одат на планираното гостување на 'Сан Сиро' во недела. Се додека сме засегнати, молкот и почитта кон градот, кон тие што не се повеќе со нас и кон нивните семејства доаѓа пред сè. Ла Суперба (прекарот на Џенова“ е на колена, но ќе се издигне повторно. Ние сите сме на нејзина страна, па таа повторно ќе блесне, зошто ние сме нејзините деца“, објавија ултрасите на Џенова.