Мурињо го искоментира враќањето на Зидан во Реал Мадрид

14 март 2019 - 13:02

Жозе Мурињо беше еден од главните кандидати за преземање на тренерското место во Реал Мадрид, но на крајот во шпанскиот гигант се врати поранешниот стратег Зинедин Зидан.

По ангажирањето на Зидан се огласи и Мурињо, кој го оцени враќањето на Французинот во Мадрид како - перфектно.

„Мислам дека неговото пристигнување  е перфектно за клубот, зашто и претходно работеше добро. Тоа е одличен расплет за мене, за Мадрид и за него. Ќе има голема шанса да покаже колку е добар, посебно во создавањето на новиот проект. Јас мислам дека тој е голем тренер“, порача Мурињо.

Зидан потпиша договор со Реал до 2022 година, па годишно ќе заработува 12 милиони евра.