Маркоски исполни една од желбите - пристигна првиот Македонец во Енозис (ВИДЕО)

05 јануари 2026 - 17:04

Македонскиот фудбалер Марко Симоновски е прво засилување за кипарскиот прволигаш Енозис Паралимни од доаѓањето на Бојан Маркоски на тренерската позиција во овој клуб.

Симоновски беше една од двете желби на Маркоски кога станува збор за македонските фудбалери, покрај Бесир Демири од Работнички. Напаѓачот оваа сезона ја почна во тимот на Башкими за кого на 12 натпревари постигна три гола, а првпат во кариерата ќе игра на Кипар откако претходно настапуваше во Русија, Хрватска, Казахстан, Финска, Романија, Косово и Узбекистан.

 

 

Симоновски веќе му се приклучи на новиот клуб и се очекува да дебитира претстојниот викенд, во дуелот со Аполон.