Мареска: Челси е далеку од најдобрите тимови во Англија!

Тренерот на Челси, Енцо Мареска и кога победуваа велеше дека не се конкурентни за титулата и дека не можат да им парираат на најдобрите оваа сезона иако тогаш стигнаа до второто место на табелата.

Сега откако влегоа во криза, Мареска само го потврди тоа што го кажуваше и претходно.

„Ние сме далеку од компетитивност, конзистентност и далеку сме од најдобрите тимови во Англија“, вели Мареска.

„Треба да бидеме задоволни од таму каде што сме, но треба да напредуваме, тоа е сигурно“.

„Во декември одигравме девет натпревари и ги почнавме со пет-шест победи, но потоа паднавме“.

„На крајот од месецот бевме уморни, уморни сме сега“.