Ливерпул убедлив, Арсенал минимално, дебакл за Нотингем! (ВИДЕО)

Победата на избраниците на Арне Слот ја најави Шобослаи со голот во 11. минута, а веќе во 35. минута по асистенција на Гакпо Салах стрелаше зза 2-0. Пред крајот на првиот дел во листата на стрелци се запиша и Гакпо за веќе убедливи 3-0.

Не се промени сликата на теренот ниту во вториот дел, Гакпо со својот втор гол во 66 .минута зголеми и на 4-0, додека во финишот Гривс го постигна утешниот гол за гостите.

Потешко од очекуваното, но победа славеше и Арсенал над Вулвс со 0-1. „Топџиите“ останаа со играч помалку по исклучувањето на Луис-Скели во 43. минути, но силите на теренот беа израмнети кога Жоао Гомес кај Вулвс во 70. минута исто така порано го заврши натпреварот. Одлучувачкиот гол на натпреврот го постигна Калифиори на 15-тина минути пред крајот.

Најголемото изенадување во денешните натпревари го приреди Бормут кој со убедливи 5-0 славеше над Нотингем Форест кој сезонава игра одлично и се наоѓа на третото место во Премиер лигата.

Во преостанатите две средби, Евертон со 0-1 славеше над Брајтон, а Њукасл со 1-3 беше подобар од Саутемптон.