Кикс на Сити кој можеби ја реши борбата за титулата во Англија (ВИДЕО)

Иако два пати водеше, тимот на Пеп Гвардиола не успеа да ја сочува предноста, а во финишот промаши стопроцентна шанса, па сето тоа можеби ја реши борбата за шампионската титула во Премиер лигата и покрај тоа што има уште многу да се игра. Семењо го отвори резултатот во 31. минута и тој гол беше доволен за водство на голем одмор. Во 56. минута израмни Гибс Вајт, но експресно одговори Родри и се чинеше дека Сити е на победничка патека.

Така, сепак, не мислеше Андерсон кој во 76. минута го донесе второто израмнување и со тоа го постави конечниот резултат. Нотингем Форест освои важен бод во борбата за опстанок, додека Сити на девет меча пред крајот на првенството, повторно е на иста оддалеченост како минатиот месец.

Арсенал не дозволи кикс на гостувањето кај Брајтон и со триумфот од 1-0 дојде до исклучително важна победа. Голот за триумф го постигна Сака уште во деветтата минута, домаќините подоцна беа поактивни, но не успеаја да дојдат до израмнување.

РЕЗУЛТАТИ
Астон Вила - Челси 1-4
Брајтон - Арсенал 0-1
Фулам - Вест Хем 0-1
Манчестер Сити - Нотингем Форест 2-2