Касано: Од фудбалот на Мурињо ми се повраќа!

07 февруари 2023 - 19:48

Поранешниот италијански фудбалер Антонио Касано е познат по острите критики, а најнова „жртва“ му е тренерот на Рома, Жозе Мурињо.

Касано зборуваше за италијанските медиуми и удри по Португалецот за кој смета дека никогаш не бил голем тренер.

„Мурињо никогаш не беше голем тренер. Само знаеше како да излезе на крај со новинарите. Добар е во водење на големи фудбалери и лесно станува пријател со нив, меѓутоа од неговиот фудбал ми се повраќа. Рома воопшто не игра добар фудбал“, вели Касано.

Рома во моментов се наоѓа на третата позиција во Серија А по 21 одиграно коло и има 40 бодови.