Јувентус изгуби, Алегри тврди: Не се почувствува отсуството на Влаховиќ

13 февруари 2024 - 09:48

Душан Влаховиќ е најдобар играч и стрелец на Јувентус од почетокот на 2024 година, но ни неговите голови за победа не се доволни за да се смени мислењето на Масимилијано Алегри за него.

Синоќа Јуве доживеа болен пораз од Удинезе на домашен терен со кој најверојатно се прости од шампионската титула во Серија, а по мечот Алегри зборуваше за српскиот напаѓач.

„Не се почувствува неговото отсуство. Победивме на многу натпревари без него, го имаме Милик и други одлични играчи“, рече Алегри.

Јувентус сега има седум бода помалку од лидерот Интер и тоа со натпревар повеќе од миланскиот тим.