Јирген Клоп ќе го сруши клупскиот трансфер-рекорд за ѕвезда на Дортмунд

08 септември 2021 - 11:33

Ливерпул ова лето не купуваше многу на трансфер-пазарот освен стоперот Ибрахима Конате од Лајпциг. Многу актуелни фудбалери ја продолжија верноста кон клубот, но Јирген Клоп во исто време и размислува за следното засилување. 

Германецот е сериозно импресиониран од Џад Белингам од Борусија Дортмунд. Младиот фудбалер веќе е стандарден во дресот на бундеслигашот, а се наметнува и како стартер во англиската фудбалска репрезентација.

Може да покрие неколку позиции во средниот ред, па затоа е многу интересен за Ливерпул. Сепак, цената на Белингам е доста висока и изнесува 90 милиони евра. Клоп ќе мора да го сруши клупскиот трансфер-рекорд за да го доведе Англичанецот на „Енфилд“.