Јамал испиша историја: Најмлад фудбалер во топ-5 лигите со 50 гола

Со ова достигнување, Јамал стана најмладиот фудбалер од кој било клуб во петте најсилни европски лиги кој стигнал до бројката од 50 голови во сите натпреварувања, надминувајќи ги Мбапе и Халанд.

Рекордот уште еднаш ја потврдува неверојатната брзина со која Јамал се искачува меѓу најголемите фудбалски имиња. Иако сè уште е тинејџер, тој веќе има бројки со кои ги надминува далеку поискусните фудбалери. Јамал до јубилејниот 50. гол стигна на натпреварот против Рајо Ваљекано, кога двапати ја затресе мрежата. Вториот погодок го постигна во самиот финиш, со што го комплетираше своето историско достигнување.

Она што го прави рекордот уште поимпресивен е фактот што Јамал го оствари во период кога сè уште има години пред себе за дополнително да ги поместува границите. Со оглед на неговата возраст и улогата што ја има во Барселона, бројката од 50 гола изгледа само како почеток на нешто многу поголемо. На тукушто навршени 19 години, фудбалерот на Барселона веќе има три титули во Ла Лига и трофеи од Светско и Европско првенство, а од големите титули му недостасува само уште онаа од Лигата на шампионите.