Искусен голгетер ѝ се понуди на Барселона - цената е 75 милиони евра!

05 јуни 2026 - 21:24

Барселона ова лето планира да донесе квалитетни засилувања, а по потписот со Ентони Гордон се очекува да биде промовиран нов напаѓач.

Каталонскиот гигант покажа голем интерес за Хулијан Алварез, меѓутоа аргентинскиот фудбалер изгледа како невозможна мисија, па поради тоа на Барселона ѝ бил понуден друг напаѓач.

Светските медиуми пишуваат дека на Барселона ѝ бил понуден Виктор Осимен од Галатасарај, а цената би била 75 милиони евра.

Нигериецот оваа сезона настапи на 33 натпревари за Галатасарај, а притоа постигна 22 голови и седум асистенции.

Фото: Facebook/FC Barcelona