Интер добил понуда од 100 милиони евра во финалето на ЛШ да рекламира - порно-страница

21 мај 2023 - 09:00

Финалистот во Лигата на шампионите, Интер кој после 13 години повторно ќе се бори за европска титула, на 10 јуни во Истанбул против Манчестер сити, добил понуда од една интернет-страница за порнографија да ја рекламира на дресовите, а потоа соработката долгорочно да продолжи за вкупни – 100 милиони евра во касата.

Интер во борбата за финале играше со дресови без спонзор, зашто првично договорениот „Дигиталбитс“ нема платено ни цент поради колапсот на неколку крипто-берзи, а овој ист спонзор имаше договор и со Рома, но и „волчицата“ ги тргна од дресовите, а и овој калчолигаш стигна до европско финале, во Лига Европа.

И сега на адреса на „нераѕурите“ дошла неморална понуда од страница за порно и веќе испратиле понуда вредна 100 милиони евра. Почетокот на рекламирањето би бил од финалето, а потоа соработката да потрае до 2029 година.

Но, тешко дека Интер ќе ја прифати, зашто последните најави се дека Интер за финалето планира да стави бесплатно една хуманитарна организација како спонзор.