И ова го има: Судии во Италија молат да не ѝ судат на Рома поради Мурињо!

Според информации на „Ил Џорнале“, првиот човек на судиите во италијанскиот фудбал Џанлука Роки добил молби од неколкумина судии кои му пристапиле и побарале од него да не ги делегира на мечевите на Рома, од една причина – Жозе Мурињо.

Мурињо веќе неколкупати во минатата сезона жестоко реагираше на арбитражата, ги напаѓаше судиите, добиваше исклучувања и казни заедно со помошниците и „специјалниот“ никако да се смири, а УЕФА пред два дена жестоко го казни за Европа со четири меча поради агресивно однесување и навреди на англискиот арбитар Ентони Тејлор.

Мурињо веќе две години е на клупата на Рома, а веќе сигурно е дека ќе ја води „волчицата“ и во новата сезона, за него трета во „вечниот град“.