Гвардиола предизвика политички проблем, Еврејската заедница брутално му одговори

Шпанецот проговори на таа тема на добротворен концерт во поддршка на Палестина, а потоа пред натпреварот против Њукасл, повторно се осврна, овојпат на инсистирање на новинарите.

„Геноцидот во Палестина, што се случи во Украина, што се случи во Русија, што се случува низ целиот свет - во Судан, насекаде. Што се случуваше пред нашите очи? Дали сакате да го видите тоа? Ова се нашите проблеми како луѓе“, беа зборовите на Пеп Гвардиола.

Еврејската организација на Манчестер и околината експресно издаде соопштение со кое му одговори на трофејниот стручњак.

„Постојано им апелиравме на истакнатите личности да бидат внимателни со своите зборови, со оглед на тоа што еврејскиот народ мораше да издржи напади низ целиот свет. Пеп Гвардиола е фудбалски тренер. Иако неговите хуманитарни размислувања може да бидат добронамерни, тој треба да се фокусира на фудбалот.

Манчестер Сити страда затоа што тој постојано застранува во коментирање на меѓународни прашања. Ова е втор пат во една недела да одлучи да го искаже своето контроверзно мислење за конфликтот на Блискиот Исток. Особено е фрустрирачки што тој целосно не успеа да ја искористи својата значајна платформа за да покаже солидарност со еврејската заедница која беше жртва на терористички напад на неколку километри од стадионот Етихад, или со Заедницата во Барселона која се соочува со антисемитизам во близина на местото каде што претходно даде коментари што ги сметаме за провокативни.

Го молиме господинот Гвардиола да биде повнимателен во иднина, со оглед на значителниот ризик со кој се соочува нашата заедница“, соопшти организацијата.