Голеада на „Камп Ноу“: Хет - трик на Меси, мајсторија на Суарез за нова победа на Барса (ВИДЕО)

07 декември 2019 - 22:54

Фудбалерите на Барселона сосема заслужено запишаа нова победа во домашното првенство, откако на домашен терен славеа против Мајорка со 5-2.

„Каталонците“ уште на стартот покажаа за што истрчаа на теренот, а уште во 7. минута Антоан Гризман го отвори резултатот. Десет минути подоцна, Лионел Меси погоди за 2-0, а до полувремето во листата на стрелци се запишаа и Будимир (за 2-1), Лионел Меси (3-1) и Луис Суарез, кој во 43. минута имаше вистинско ремек дело на теренот за 4-1. Уругваесот постигна гол со петица по проигрувањето од Френки де Јонг.

Во вториот дел, Будимир намали на 4-2, а конечните 5-2 ги постави Меси во 83. минута.

Со оваа победа Барселона се врати на првото место на табелата со 34. бода, исто колку што има и тимот на Реал Мадрид.