Гол-машина: Дориев повторно погоди за ново славје на Согдиана!

19 јуни 2025 - 21:39

Македонскиот фудбалер Љупче Дориев игра во извонредна форма оваа сезона, а тоа го потврди вечерва против Хоразм Урганч против кого стрелаше за победа на Согдиана од 1-0.

Единствениот погодок беше постигнат дури во завршницата на натпреварот, односно во 84. минута кога Дориев го пронајде патот до мрежата на гостинскиот тим.

Согдиана со оваа победа скокна до 12. место во шампионатот на Узбекистан, а македонскиот напаѓач стигна до седум погодоци и се наоѓа на втората позиција на листата со стрелци.