Италијански фудбалер позајмил 578.000 евра за обложување!?

13 април 2025 - 11:56

Истрагата на италијанското обвинителство за нелегалното обложување на фудбалери ни носи нови детали во случајот со фудбалерот на Фиорентина, Николо Фаџоли.

Фаџоли заедно со Сандро Тонали во октомври 2023 година беше суспендиран на седум месеци затоа што се обложувале на фудбалски натпревари, а тоа е строго забрането во Италија.

„Газета дело Спорт“ објави детали од документите од истрагата во која може да се забележи дека Фаџоли во периодот меѓу 2020 и 2021 година од 31 лице позајмил 578.000 евра.

Според шпекулациите, Фаџоли ги земал парите за да се обложува, иако има шпекулации и дека ги земал парите за да организира обложување на натпревари.

Голем дел од сумите добил од поранешни соиграчи, односно луѓе кои добро ги познава.