Французите од Милан го кренаа гласот против закажаниот меч во Австралија

13 октомври 2025 - 07:20

Голманот на Милан, Мајк Мењан кажа дека целосно се согласува со неговиот сонародник Адриен Рабио и вели дека не ја разбира одлуката да се игра дуелот меѓу Комо и „росонерите“ во Австралија.

Рабио претходно го крена гласот против оваа идеја и кажа дека нема смисла да се поминат толку многу километри за да се одигра еден натпревар.

„Се сложувам со него. Денес многу работи се забораваат, а премногу се зборува за пари. Не разбирам зошто да играме дуели во странство од италијанското првенство. Нашите цели се високи и не смееме да прифатиме такво нешто“, вели Мењан.

Претходно беше објавено дека дуелот меѓу Комо и Милан во февруари ќе се одигра во Перт.

Фото: Facebook/AC Milan