Фабрегас ги откачи Италијанците - не сака да работи како селектор!

14 април 2026 - 15:59

Италијанската фудбалска репрезентација бара нов селектор откако си замина Џенаро Гатузо по неуспехот во квалификациите за Светското првенство (СП), а како еден од кандидатите се споменуваше Сеск Фабрегас.

Фабрегас има одлични резултати со Комо, но не е заинтересиран за кормилото на „аѕурите“, односно кажа дека би му било здодевно да работи како селектор.

„Да бидам селектор на Италија? Можеби еден ден, но засега не сум заинтересиран затоа што морам да бидам секој ден со фудбалерите на терен. Работата во репрезентацијата во моментов би ми била здодевна“, кажа Фабрегас.

Комо под водство на Фабрегас во моментов е на петтата позиција во Серија А со 58 бодови и се бори за место во Лигата на шампиони (ЛШ).