Џака: Не можам да разберам, тоа за мене беше понижувачки

11 ноември 2019 - 23:16

Гранит Џака проговори за она што му се случи пред две недели кога навивачите на Арсенал го исвиркаа при излегувањето од теренот. Швајцарецот во врустрација гестикулираше кон публиката и им врати со пцовка. 

Сега веќе поранешниот капитен на „топчиите“ во јавноста ги сподели своите мисли околу инцидентот, но и натаму стои на својот став, дека грешката е кај навивачите. 

„Кога го видов мојот број на таблата за измени и нашите навивачи почнаа со свиркање, тоа ме погоди многу силно и навистина ме вознемири. Беше понижувачки и фрустрирачки. Не можам да разберам таква реакција, дури и сега, посебно пореди екстремната негативност кон мене. Не сакам да кажам дека сум човек што не знае да прими критика. Ако јас и тимот не играме добро, мораме да слушаме и да работиме напорно на тоа. Но навредување и пцуење на вашиот капитен ќе предизвика немир и лоша атмосфера во тимот, што го подржувате. Тоа за мене нема никаква смисла и го намалува тимскиот дух“, изјави Џака за швајцарскиот весник „Блик“.